2012年12月31日 星期一

好鬼凍呀~

乜香港一年凍過一年架,叫貓點生活呀?

2012年12月25日 星期二

fashion icon 24回﹣聖誕快樂:)



幫達仔揀緊相做座枱月曆,有無人想要?

2012年12月20日 星期四

fashion icon 23回﹣我是花貓

2012年12月18日 星期二

爐上的達兒

達仔竟然聰明到,叫我開暖爐

後腳企喺櫈,前腳踏喺鐵架,跟住望住我勁喵。。。即係投訴話點解唔開爐架,凍嘅。。。

開左比佢呢,安靜哂,野都唔使食呀

2012年12月12日 星期三

fashion icon 22回﹣周紳士

2012年12月6日 星期四

比野宅

瞓醒時發現,被底有隻野趴住人嚟瞓

2012年12月4日 星期二

俯視擔擔

放在我工作房旁嘅魚缸,達仔一向唔理佢,但最近成日坐上窗台“欣賞”,我要睇緊D先得啦

2012年11月29日 星期四

fashion icon 21回﹣Hello Takki

白色嘅叫kitty,黑色嘅叫Takki

2012年11月28日 星期三

歎暖爐

今個冬天,除左凍,仲要濕,冷得達仔無嚟心機。。。 洗完嘅衫,無太陽兼潮濕,晾極唔乾,洗完都無位曬,點開洗衣機。。。 於是開暖爐啦,一舉兩得 睇下,達仔自動波跳上去歎世界啦喂~

2012年11月26日 星期一

戴左大眼仔

2012年11月21日 星期三

手掌

好多人都話想睇達仔手掌上嘅熊仔,今日有得睇啦~

2012年11月18日 星期日

fashion icon 20回﹣全裸慶賀

不知不覺,呢個無聊系列嚟到第二十回啦,達仔為答謝大家支持,今次全裸回饋讀者,死未?


2012年11月15日 星期四

揭秘。。。達仔的記事(C)月曆

隔離台阿粉成日送禮物比安東尼(即係我)同達仔,呢個達仔月曆又係佢送架,多謝哂呀

我諗阿粉送比我時都無諗過呢個月曆竟然係咁重要架,佢記錄住達仔最重要嘅C項,掌握住佢健康嘅數據

睇相。。。

數字係佢每日便便嘅排量,好似1號,佢痾左兩次,一次7"長,一次6"長

但係4號呢,完全無貨出

10號同佢慶生日,食左罐頭,之後兩日便便都正常,呢隻罐頭應該啱達仔食

16-18號,佢漏屎,每次都係漏一粒好細粒,好似貓糧嘅屎,有時喺疏化,有時係床甚至大脾,呢樣野而家仲觀望緊,唉~

亦留意到,逢週六週日我去左街多過十個鐘嘅話,佢嘅排便量會減,有時我夜晚一返去佢就痾,我唔返佢可以屎都唔痾

好似26號無故唔痾,星期六我出街,夜晚返,佢只係痾左4“,仲要深色同乾嘅,星期日雖然有6”,但都比平常少,即係有大量貨谷住未出

到星期一,我全日在家,佢分兩野出左20",無睇錯,係20",相信你都未必有

你叫我點敢去旅行,正衰野


   

2012年11月14日 星期三

fashion icon 19回﹣忘了時間的貓

呢隻野,呢期成日半夜三更摷人起身攞野食,完全無時間觀念,要比隻錶佢帶住先得啦。。。

2012年11月8日 星期四

達仔投訴。。。

達仔個肚越嚟越大,要節食,佢用行動投訴食唔飽

2012年11月6日 星期二

痙攣

我:隔離台阿cat話你呢排好惡呀

達:吓~唔係吖

我:比你平時個可愛樣嚟睇啦

達:就擺呢個我要抱抱pose啦,夠可愛未?


我:出多兩分力啦!

達:我盡哂力架啦~

我:喂,變左痙攣喎


2012年11月4日 星期日

一條皮帶兩份用

肥到個腩突哂出嚟,紮住佢先  

睇下,一個帶左皮帶嘅靚仔呀~

 我:達仔呀,我要出街呀,比返條皮帶嚟

 達:唔比

2012年10月30日 星期二

fashion icon 18回﹣萬聖節

2012年10月27日 星期六

達仔與阿媽


最近,阿媽每星期都嚟我屋企一次,借機同達仔混熟,想抱佢喎。。。但達仔唔領情囉

由第一次,捐落梳化底,唔敢出嚟食野

到今次,終於乖乖左喺床比阿媽摸(都係有戒心,要我喺隔離至肯,我一行開,佢就走人),但係肯喺阿媽面前食野同飲水,都係一大進步

另一大進步係,即使阿媽喺度,佢都肯去廁所;去完,我去睇睇,見有一大pat便便,我叫阿媽去睇。。。

我:喂,過嚟睇呀,有新鮮貨睇呀,咪話我成日誇大,講佢D屎幾大舊

媽一睇,話:哇!乜入一入去,咁快屙咁多呀;人都係差唔多咁大舊咋喎,呢pat野有四両呀~

我:知厲害未~


2012年10月24日 星期三

fashion icon 17回﹣自由神像

達仔:自由神像都扮埋,下次會唔會要我扮巴黎鐵塔架?

2012年10月19日 星期五

甜睡

除左半夜,達仔每晚8:00左右愛回家時段會開始瞓覺,直至掃完毒佢先起身; 

呢段時間,瞓到好"lum",行過都唔醒

睇下,仲笑笑口㖭呀,唔知係咪夢見靚仔主人呢?

2012年10月17日 星期三

好英

達:我成日扮鬼扮馬,其實落左粧都好英架,你話係咪先?

2012年10月16日 星期二

fashion icon 16回﹣爆炸貓

接噚日。。。

我:你咁鍾意,拎嚟扮爆炸貓啦~

2012年10月15日 星期一

五格漫畫之七彩雞毛掃

我:喂!達仔,枝雞毛掃有乜好玩呢?
達:好正架,好似一隻七彩大鳥呀  

達:啖啖雞肉呀(好入戲)  

我:比返我啦,唔係玩具嚟架
達:唔制,我嘅


我:你咁鍾意,送比你啦~
達:咁好?好野,七彩大鳥係我架啦

我:各位,呢篇未完架,有續集,聽日繼續。。。
達:吓,有續集?

2012年10月12日 星期五

fashion icon 15回﹣型仔福爾摩斯

如果大家好記性,達仔嘅第一個扮野造型就係佢。。。福爾摩斯 

當時佢仲戴住大喇叭;咁而家除左喇叭,影返輯靚架啦~ 

美指:達仔,今日扮型仔福爾摩斯,準備好未?
達:型仔呢家野,隨時ready啦~
美指:好掂呀,好似一隻黑豹呀


美指:chok D,再chok D
達:easy 執  

美指:好,比D戲㖭~
達:賊仔,有我福爾摩斯喺度,你仲想走?

2012年10月11日 星期四

達仔慶生日

達仔入屋一週年啦,今日當係佢生日同佢慶祝。。。  

達:收到包裹喎,咩野嚟架呢?八下先  

達:寫住我個名架喎,比我架喎;係個特大貓抓板呀,可以當床仔瞓架  

達:原來係隔離台意粉姨送比我架,包貓草好吸引喎  

達:等我擺個舖屎影相先;好鍾意呀,多謝意粉姨

咦!仲有嘅?原來明仔阿媽聽到我腸胃唔妥,種左一盆貓草比我呀,試下味先~  

晏晝仲有罐罐食,呢隻咪係上次好好食果隻mousse,食左唔影響屙屎果隻,今日乜日子呢?  

達:哇!仲有一舊喎,乜嚟架?原來係貓樹,明仔話等我可以擒高擒低兼磨爪架,多謝哂呀  

生日快樂呀,達仔,最緊要健健康康呀:)

2012年10月8日 星期一

fashion icon第14回-一貓分飾兩角<修女與電髮的師奶>

同一件道具,唔同嘅模有唔同嘅演繹方法;洗衣袋比阿妹變左新娘look,咁達仔又會點演繹呢?

美指:你扮乜呢?
達模:修女


美指:咦!仲有喎,咁百變嘅,今次係乜呀?
達模:電髮中的師奶
 
美指:做得好好呀,請你食罐罐啦
達模:yeah~~

2012年10月5日 星期五

fashion icon第13回-原來愛·就是甜襪

2012年10月4日 星期四

我的新iphone

2012年10月3日 星期三

懶洋洋

2012年10月2日 星期二

fashion icon第12回。。。粉紅bear

阿仔登場,睇下幾乖,企定定任影唔嬲呀~




ps:原來嘅造型失敗了,唯有用本來阿妹嘅造型頂上啦,又反而乖乖喎,好鍾意隻啤頂啦~

2012年10月1日 星期一

fashion icon第11回。。。出嫁的清晨

第11回,有請客席“口靚”模阿妹出場,yeah~~~

事緣有一晚,去A生屋企攞鎖匙,準備佢去旅行時上佢屋企餵貓。。。

A生:我鍾意睇fashion icon呀,繼續影喎

我(奸笑):會,下一輯有新model㖭

A生:大獲,兩隻野有難;不過你都幾難攪到佢地,佢地啋你都儍

我(繼續奸笑):睇下點。。。 ﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

呢兩隻野堅係難攪呀,頭一次失敗;第二日,諗左D簡單造型,搵個洗衣袋扮頭紗啦啦啦~~

睇下,新娘嚟啦~~

  

去一陣旅行,個女就嫁左,佢老豆見到會唔會開心到喊呢?

阿仔阿妹,呢篇稿出街之時,你老豆應該返到屋企架啦,我功成身退啦~