拎達仔去參加比賽

最近有個攝影比賽﹣一念之間，大概講一念間嘅決定影響左人同事嘅發展。。。

要交一組兩張相片，一念間有乜轉變。。。

我拎左達仔去參賽，直覺覺得呢個題材無勝算，但真係一念間收養佢改變左佢一生；

呢次唔係淨為獎啦，如果多D人留意街貓嘅故事，多D人幫到街貓，少D人虐貓，贏嘅就唔止係一份獎，我係咁諗嘅～

大家都去睇下，順手投一票啦，雖然唔係計票數，但推高D，曝光率會高D嘛～

虎視眈眈

達仔：乜嚟架呢？食唔食得架呢？

黑熊掌

終於打開肚皮瞓

達仔一向較細膽，好醒瞓，隔離屋開門就扎醒，露出緊張樣 

今日大突破呀，終於瞓到反哂肚，覺得好安心頂啦：）

好玄﹣同達仔嘅第一次相遇

一路都以為，同達仔嘅緣份始於我經常去嘅一個偏僻地方，如果大家有睇開呢個blog嘅都知，果度有幾隻貓，達仔最叻搶野食，係果度嘅大阿哥。。。



但我噚日執舊相，見到呢張  

我第一次去果個“偏僻地方”係10年11月，而呢張相時間係09年9月，我啱啱搬嚟西環，睇返D相，果日係鬼節，我走左去某公園影相，影到呢隻貓。

從佢眼神，身體比例，坐姿，鼻上面個反光位同耳朵形狀，我好肯定佢係達仔，因為之後我都見過達仔喺呢度出現，佢識行山路過嚟呢度等餵貓阿姐餵食，而捉佢去絕育果個阿姐亦係喺呢度捉佢嘅。。。

但最令我介懷嘅係，佢當時未閹架，未剪耳呢，樣亦都細個D，似啱啱做成貓咁樣咋，如果係咁，可能佢係09年頭出世，而家都未夠5歲～


緣份嘅野果然好奇妙

新屎坑

舊屎坑個扣突然爛左，攪都我倒瀉屎，一地都係，唯有買個新架啦 

首要條件係大D，因為隻衰野大隻左又肥左，見佢屈住咁，買個大D嘅比你啦 

頭幾日，好似用唔慣咁，屙少左，之後就無事啦，仲成日坐屎塔頂宣示主權㖭  

ps:搵到D關於達仔嘅震撼性舊料，整理中，呢兩日要留意睇呀

fashion icon 34回﹣金魚貓

大家好，我係金魚佬

扮可憐

入左屋咁耐，達仔仲係抗拒剪腳甲

今日見剪佢後腳兩隻腳指咋，就擺出一副可憐樣，哼～

我又試下先

星期日的達仔

其實對佢嚟講，日日都係星期日架啦～

熟睡

攪到我完全無mood做野囉，想瞓埋一份

fashion icon 33回﹣蝴蝶長大了

fashion icon 32回﹣butterfly effect

烏蠅嬲屎，咁蝴蝶呢？

梳毛

一向只係用手指幫達仔梳毛，以為咁都OK 但四月開始，佢又有D腸塞，雖然唔算嚴重，食去毛膏就攪掂，但都估佢自己清潔身體時食多左貓毛（因為轉季換毛） 於是呢，買左把梳仔幫佢梳，第一次已經以為梳好多出嚟
 

頭幾日輕輕力梳，因為見D腳都幾尖；但後來發現，加D力，真係梳多好多毛出嚟，而達仔直頭鍾意梳，擺出副享受格  

睇下，一日梳兩次，都可以甩咁多毛，食哂落肚，唔塞有鬼啦（仲附加頭皮㖭）

fashion icon 31回﹣Dreadlocks

今日達仔為大家展示一個藍色Dreadlocks頭，唔知係乜嘅請按呢度

三十度了

但我家達仔依然要我開暖爐比佢瞓覺，唔開就鬧人

唔理我吖啦

因為做野，唔同佢玩，佢就咁啦

聰明

達仔好聰明，今日講其中一樣醒目野 

自從比佢上床瞓後，我都會喺床邊放一張毛巾，除左冬天太凍佢要瞓被底外，平時佢識得瞓上毛巾，好少瞓過界 

每朝佢都會等我起身或叫我起身，每朝（大部份時間）第一眼總係見到佢望住我架，驚未？

圖中眼神係話：起身未啫？肚餓呀～

手信

隔離台阿fun送上手信，八公以為係佢嘅。。。呢張幾靚仔

變種食人倉

快D嚟救我呀