2011年11月11日 星期五

分途廣播。。。達仔飲水

獨家首播呀,達仔飲水片段。。。

達仔做街貓時腸塞,醫生話佢亂食野之餘,曾經問過佢係咪唔飲水,當時佢飲幾多水真係唔知,而家嚟左我屋企,主糧係乾糧餅乾,佢的確飲好多;

早兩日覆診醫生話正常要飲約兩枝益力多咁多嘅水,至少都要一枝,但好貓都做唔到;我話:達仔每日都一定有兩枝益力多以上喎,醫生隨即摸住達仔話:咁叻仔呀:)

今晚,佢突然入厨房跳上厨櫃(平時佢唔敢),我喝番落嚟,原來佢去飲水;再睇番佢個碗,原來飲到乾哂;噢,怪錯達仔亂上厨櫃㖭~

即刻裝番滿佢個碗,你睇佢飲得幾開心:)

4 意見:

best actor 提到...

這個真是愛貓人的天地了﹐而且很有reality show的feel﹗

naruto 提到...

係呀,呢邊可以寫D細野,果邊驚悶親人:)

TY 提到...

唔悶呀!最好寫多啲達仔添呀!
點解想飲水會跳去廚櫃呢?佢諗住自己開水喉?
會唔會有一日,你會見到達仔去座廁開大呢?!哈哈!

naruto 提到...

TY:
竹找屋企無凍滾水,每次都係倒家一杯熱水抖涼放定喺廚櫃,佢識去搵嚟飲囉