黑豹

可能太熱，達仔唔去曬太陽，痴喺張床度發吽豆，瞳孔縮細，個樣變左惡爺，有D似黑豹

fashion icon-第五集。。。童軍look

浮誇過後，平實登場，達仔今日換上童軍look同各位say hi~

見面禮

以前阿媽差不多個個星期上嚟我屋企，但自從養左達仔後，佢未上過嚟。。。

一開始時知佢有D唔鍾意我養貓，後來有次，我出左街，佢突然話想自己上去，我話達仔驚生“保”人，驚佢標出街，搵次我喺度先上嚟啦，自始佢就嬲左唔肯嚟，話我理隻貓唔理佢喎。。。。

相隔咁多個月，試下叫佢上嚟探達仔，上星期佢終於上嚟，仲帶埋見面禮。。。急凍海蝦
佢話老豆食唔哂，攞D上嚟比達仔喎，呵呵～


達仔一見佢就lay埋入房，抱佢比阿媽摸下，摸左陣又lay埋，煮埋蝦都唔肯食

直至夜晚阿媽走左先肯出嚟食，無鬼用呀你


不過阿媽話左會再嚟，想試下抱達仔喎

fashion icon-第四集。。。華麗登場

明仔對我好好呀，一見打風就返嚟陪我，仲帶左件新衫比我呀


飲衫呀，咁大個仔都無著得咁華麗呀，有D翁倩玉feel呀


純白色嘅設計，突顯我黝黑嘅膚色呀

fashion icon - 第三集

上次頂紳士帽比人篤爆係大家樂洋蔥圈個架，今次呢頂係乜？

我們這一家

fashion icon續集﹣周紳士

fashion icon

有乜野係洗完白白都黑掹掹架呢？

回到三國做左10分鐘後

我喺出面等你

終於似夏天啦，下晝做野嘅時候房間都要開冷氣，一來真係熱，二來，我部腦怕熱，之前燒過一部，所以都係開陣冷氣啦

平時我做野，達仔唔係瞓唔係曬太陽就會喺房痴住我，但我開冷氣呢，有時入嚟痴一陣，跟住就。。。。。。



達：死佬，好凍呀

$300

今日下晝，出去幫朋友掛banner，一粒鐘賺左$300，即袋

番到屋企樓下，幫達仔買左滅蚤藥加貓砂，盛惠$310，嘔突了

達仔被困

星期五出發去澳門，臨走前，將睡房隻窗開左少少，騎樓趟門又開左少少，平時都係咁，諗住有對流空氣，唔怕焗親達仔嘛！

星期五下晝，開始掛三號波，夜晚8號㖭，有諗過會唔會好大雨，D雨水打入屋呢？

星期六下午，委託朋友上嚟我屋企探探達仔，佢一開門，見到廳滿地玻璃碎，原來放櫃頂個時鐘吹跌左落地，而睡房門關埋左，朋友開房門，見到達仔瑟縮一角，房窗竟然開到盡（好彩有格仔網），估計達仔已經無水無糧大半日啦，一開門，佢即起勢喵喵叫

房窗其實要用力至開到架，即係當晚好大風吹我呢邊啦～

當晚，我返嚟，佢極黐身（不過我每次走多過幾個鐘佢都極黐身），可能有D嚇親啩，下次房門要攝對拖鞋或者情願開抽氣扇開少隻窗