好鬼凍呀～

乜香港一年凍過一年架，叫貓點生活呀？

fashion icon 24回﹣聖誕快樂：）

幫達仔揀緊相做座枱月曆，有無人想要？

fashion icon 23回﹣我是花貓

爐上的達兒

達仔竟然聰明到，叫我開暖爐

後腳企喺櫈，前腳踏喺鐵架，跟住望住我勁喵。。。即係投訴話點解唔開爐架，凍嘅。。。

開左比佢呢，安靜哂，野都唔使食呀

fashion icon 22回﹣周紳士

比野宅

瞓醒時發現，被底有隻野趴住人嚟瞓

俯視擔擔

放在我工作房旁嘅魚缸，達仔一向唔理佢，但最近成日坐上窗台“欣賞”，我要睇緊D先得啦

fashion icon 21回﹣Hello Takki

白色嘅叫kitty，黑色嘅叫Takki

歎暖爐

今個冬天，除左凍，仲要濕，冷得達仔無嚟心機。。。 洗完嘅衫，無太陽兼潮濕，晾極唔乾，洗完都無位曬，點開洗衣機。。。 於是開暖爐啦，一舉兩得 睇下，達仔自動波跳上去歎世界啦喂～

戴左大眼仔

手掌

好多人都話想睇達仔手掌上嘅熊仔，今日有得睇啦～

fashion icon 20回﹣全裸慶賀

不知不覺，呢個無聊系列嚟到第二十回啦，達仔為答謝大家支持，今次全裸回饋讀者，死未？

揭秘。。。達仔的記事（C）月曆

隔離台阿粉成日送禮物比安東尼（即係我）同達仔，呢個達仔月曆又係佢送架，多謝哂呀

我諗阿粉送比我時都無諗過呢個月曆竟然係咁重要架，佢記錄住達仔最重要嘅C項，掌握住佢健康嘅數據

睇相。。。

數字係佢每日便便嘅排量，好似1號，佢痾左兩次，一次7"長，一次6"長

但係4號呢，完全無貨出

10號同佢慶生日，食左罐頭，之後兩日便便都正常，呢隻罐頭應該啱達仔食

16-18號，佢漏屎，每次都係漏一粒好細粒，好似貓糧嘅屎，有時喺疏化，有時係床甚至大脾，呢樣野而家仲觀望緊，唉～

亦留意到，逢週六週日我去左街多過十個鐘嘅話，佢嘅排便量會減，有時我夜晚一返去佢就痾，我唔返佢可以屎都唔痾

好似26號無故唔痾，星期六我出街，夜晚返，佢只係痾左4“，仲要深色同乾嘅，星期日雖然有6”，但都比平常少，即係有大量貨谷住未出

到星期一，我全日在家，佢分兩野出左20"，無睇錯，係20"，相信你都未必有

你叫我點敢去旅行，正衰野


   

fashion icon 19回﹣忘了時間的貓

呢隻野，呢期成日半夜三更摷人起身攞野食，完全無時間觀念，要比隻錶佢帶住先得啦。。。

達仔投訴。。。

達仔個肚越嚟越大，要節食，佢用行動投訴食唔飽

痙攣

我：隔離台阿cat話你呢排好惡呀

達：吓～唔係吖

我：比你平時個可愛樣嚟睇啦

達：就擺呢個我要抱抱pose啦，夠可愛未？


我：出多兩分力啦！

達：我盡哂力架啦～

我：喂，變左痙攣喎

一條皮帶兩份用

肥到個腩突哂出嚟，紮住佢先  

睇下，一個帶左皮帶嘅靚仔呀～

 我：達仔呀，我要出街呀，比返條皮帶嚟

 達：唔比

fashion icon 18回﹣萬聖節

達仔與阿媽

最近，阿媽每星期都嚟我屋企一次，借機同達仔混熟，想抱佢喎。。。但達仔唔領情囉

由第一次，捐落梳化底，唔敢出嚟食野

到今次，終於乖乖左喺床比阿媽摸（都係有戒心，要我喺隔離至肯，我一行開，佢就走人），但係肯喺阿媽面前食野同飲水，都係一大進步

另一大進步係，即使阿媽喺度，佢都肯去廁所；去完，我去睇睇，見有一大pat便便，我叫阿媽去睇。。。

我：喂，過嚟睇呀，有新鮮貨睇呀，咪話我成日誇大，講佢D屎幾大舊

媽一睇，話：哇！乜入一入去，咁快屙咁多呀；人都係差唔多咁大舊咋喎，呢pat野有四両呀～

我：知厲害未～

完

fashion icon 17回﹣自由神像

達仔：自由神像都扮埋，下次會唔會要我扮巴黎鐵塔架？

甜睡

除左半夜，達仔每晚8:00左右愛回家時段會開始瞓覺，直至掃完毒佢先起身； 

呢段時間，瞓到好"lum"，行過都唔醒

睇下，仲笑笑口㖭呀，唔知係咪夢見靚仔主人呢？

好英

達：我成日扮鬼扮馬，其實落左粧都好英架，你話係咪先？

fashion icon 16回﹣爆炸貓

接噚日。。。

我：你咁鍾意，拎嚟扮爆炸貓啦～

五格漫畫之七彩雞毛掃

我：喂！達仔，枝雞毛掃有乜好玩呢？
達：好正架，好似一隻七彩大鳥呀  

達：啖啖雞肉呀（好入戲）  

我：比返我啦，唔係玩具嚟架
達：唔制，我嘅


我：你咁鍾意，送比你啦～
達：咁好？好野，七彩大鳥係我架啦

我：各位，呢篇未完架，有續集，聽日繼續。。。
達：吓，有續集？

fashion icon 15回﹣型仔福爾摩斯

如果大家好記性，達仔嘅第一個扮野造型就係佢。。。福爾摩斯 

當時佢仲戴住大喇叭；咁而家除左喇叭，影返輯靚架啦～ 

美指：達仔，今日扮型仔福爾摩斯，準備好未？
達：型仔呢家野，隨時ready啦～
美指：好掂呀，好似一隻黑豹呀


美指：chok D，再chok D
達：easy 執  

美指：好，比D戲㖭～
達：賊仔，有我福爾摩斯喺度，你仲想走？

達仔慶生日

達仔入屋一週年啦，今日當係佢生日同佢慶祝。。。  

達：收到包裹喎，咩野嚟架呢？八下先  

達：寫住我個名架喎，比我架喎；係個特大貓抓板呀，可以當床仔瞓架  

達：原來係隔離台意粉姨送比我架，包貓草好吸引喎  

達：等我擺個舖屎影相先；好鍾意呀，多謝意粉姨～

咦！仲有嘅？原來明仔阿媽聽到我腸胃唔妥，種左一盆貓草比我呀，試下味先～  

晏晝仲有罐罐食，呢隻咪係上次好好食果隻mousse，食左唔影響屙屎果隻，今日乜日子呢？  

達：哇！仲有一舊喎，乜嚟架？原來係貓樹，明仔話等我可以擒高擒低兼磨爪架，多謝哂呀  

生日快樂呀，達仔，最緊要健健康康呀：）

fashion icon第14回-一貓分飾兩角＜修女與電髮的師奶＞

同一件道具，唔同嘅模有唔同嘅演繹方法；洗衣袋比阿妹變左新娘look，咁達仔又會點演繹呢？

美指：你扮乜呢？
達模：修女


美指：咦！仲有喎，咁百變嘅，今次係乜呀？
達模：電髮中的師奶
 
美指：做得好好呀，請你食罐罐啦
達模：yeah~~

fashion icon第13回-原來愛·就是甜襪

我的新iphone

懶洋洋

fashion icon第12回。。。粉紅bear

阿仔登場，睇下幾乖，企定定任影唔嬲呀～




ps:原來嘅造型失敗了，唯有用本來阿妹嘅造型頂上啦，又反而乖乖喎，好鍾意隻啤頂啦～

fashion icon第11回。。。出嫁的清晨

第11回，有請客席“口靚”模阿妹出場，yeah~~~

事緣有一晚，去A生屋企攞鎖匙，準備佢去旅行時上佢屋企餵貓。。。

A生：我鍾意睇fashion icon呀，繼續影喎

我（奸笑）：會，下一輯有新model㖭

A生：大獲，兩隻野有難；不過你都幾難攪到佢地，佢地啋你都儍

我（繼續奸笑）：睇下點。。。 ﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

呢兩隻野堅係難攪呀，頭一次失敗；第二日，諗左D簡單造型，搵個洗衣袋扮頭紗啦啦啦～～

睇下，新娘嚟啦～～

  

去一陣旅行，個女就嫁左，佢老豆見到會唔會開心到喊呢？

阿仔阿妹，呢篇稿出街之時，你老豆應該返到屋企架啦，我功成身退啦～