阿金

今日講其他貓

佢叫阿金，點解要特別講佢呢？因為。。。

貓媽近兩胎嘅BB，究竟邊個係老豆呢？佢住嘅地方其實無貓公，但係比我見到呢隻金仔出現過三次，其中一次貓媽仲跟住佢行㖭

佢行踪好神秘，間中會去距離10分鐘路程嘅一位餵貓阿姐度討食，非常醒目，唔會比你埋到身，影佢相都難

貓義工同我去捉佢，佢就失踪，但原來我地一走，佢就蒲頭

所以，佢亦令到阿姐果邊多左幾隻小金仔，擺明係佢，因為一個餅印

所以當上一次四隻B第一次行出嚟時，我諗一定係金色，但竟然無隻係；今胎，明明之前見佢搵貓媽，結果隻B都係似阿媽

但，附近真係無貓公，我深信，佢就係而家隻B，仲有家姐阿妹嘅老豆
t

to 阿cat:有無少少特徵似呢隻衰野呢？

搓圓襟扁

達仔好鍾意按摩額頭。。。。

達：喂，出D力啦，R痕咩？


我：先生，夠大力未？

手指呀

曾經講過，幾個月前，試過有一次夜晚唔覺意關左廁所門，第二朝發覺隻衰野喺我個袋屙左一篤屎

我畢走舊屎，拎哂D野出嚟，洗得就洗，唔重要嘅就掉，跟住個袋掉入洗衣機洗；

之後發覺，手指失踪，搵勻都唔見，連洗衣機都摷埋，都唔見

直至前排，洗完衫收衫嘅時候，終於搵到啦，原來真係洗左呀，佢攝左作洗衣機個門嘅摺摺膠邊入面，洗足幾個月，生埋銹，嗚～

隻手指我好鍾意架，秋葉原買架；達仔你篤屎好貴呀

第一次沖涼

其實達仔咁耐係未沖過涼架，啱啱喺街執番嚟，當然覺得佢污糟，想同佢沖一次啦，但係果陣佢一見水就掙扎，唔肯沖；
問過寵物店，話未沖過嘅未必肯沖，唔做我生意
所以當時只係用熱毛巾幫佢抺身，之後都係咁做

今晚得閒，又聞到佢有陣味，於是膽粗粗喺洗面盆放盆熱水，抱佢落去。。。

一放腳，頭幾秒好似OK，之後就想走，我梗係唔放手，係咁撥D水上佢身，佢都算乖，雖然想走，但都無出爪，終於比我捽勻全身，係無洗頭囉

以後可以沖多D啦；請比掌聲達仔啦

綠玉

粗粒幼粒豆腐砂水晶砂，每次都試一隻新嘅；

豆腐砂隻衰仔就唔冚砂，勁臭

幼粒砂就攪到廁所變沙灘

近兩個月都係豆腐溝幼粒砂，頭兩日都唔冚，之後就肯冚，算係最成功架啦；我懷疑唔冚係因為勁香得滯

今次轉用“綠玉”都係豆腐砂，淡淡綠茶味；達仔第一篤就肯冚，雖然都係冚三分二咁大把，但唔臭喎，吸味強呀

仲可以用好多日，今次呢半缸13號用到而家都未換，好好喎，我推介呀～

外面嘅世界

達仔嘅好奇心唔大，但有時倒垃圾佢都會喺門口裝裝下想跟出嚟

而每次番屋企時，聽到開門聲，佢都會企定定喺門口迎接，有時都會走出門口一步咁多

噚晚，可能好興奮或者又肚餓，我一開門，佢就走出嚟纏腳，我試下關左度門，佢即刻滕雞樣，望住門口想入番去，我踎低影佢相，佢先敢行出少少裝下（我當然睇到實，放心），見我用鎖匙開門，企定定等我開，一開門即標入去呀，無膽貓嚟架

玩玩

達仔以前唔玩呢枝毛毛棍，而家肯玩嗗，但係。。。



得隻手仔郁，屁股點都唔郁；唉！達仔，你咁會變肥豬架

按摩時間

冧呀

好冧呀

喂，大力D啦，無食飯呀？

冚被

無暖爐佢會勁痴我，痴到我做唔到野，解決方法係開暖爐，開左，佢自動波過檔暖爐，我有幾粒鐘做自己野

另外，達仔嘅聰明，超出我想像；有晚唔算太凍，諗住唔開暖爐，佢竟然望住我，隻手仔拍拍個暖爐，個表情好似叫我：快D開呀，死佬

噚晚，佢跳上暖爐架，可能嫌我開得細，踢走張地毯，我見張毯喺地，冚上佢身，佢竟然enjoy喎，唔撥走佢喎，佢應該同我一齊移民過泰國啦

小熊貓

快D睇下達仔真面目，個腩越嚟越大，毛又無多過喎，變左露腩達人；之前做手術，耳朵附近剃嘅毛又生得慢，呢個角度影埋去反哂光，成隻小熊貓咁呀～

醜樣豬呀

達仔的手信

喂喂喂！又話有手信比我嘅？


哇！日本貨呀，個罐有個達字，有我個名架，快D開啦


好正呀，衝呀，搶呀


殺呀，阿媽姓乜都唔記得啦


明：喂，望下鏡頭啦。。。哇！樣衰到呢～

玩襪喪志

曬太陽

終於有太陽，狂曬中

碌架床

見佢成日爐端燒，從瘋go那邊得到靈感，搬左個架喺暖爐上面，要熱D下層，無咁熱就上層，有得揀，達仔係老闆