唉！講下貓媽

今日內有不雅相。。。

呢隻貓媽，睇樣就佢最蠢；但其他貓捉去閹捉去搵人收養都係一take過，唯獨佢。。。四次都失敗

一月中時，西區＋葵涌兩大捉貓阿姐聯手，決心捉佢去絕育，因為佢又大肚啦，唔閹又屙幾件出嚟啦，諗住情願幫佢終止懷孕。。。

結果失敗：（

我當時同佢講呀：你唔比我捉，又生，我無本事幫你，同你搵人養佢地架？


自從2010十月第一次見貓媽，佢身旁有一隻B（阿BU，已被收養)；到第二胎阿B（失左踪，呢個係另一個故事，遲D跟進），第三胎生完後唔見左，第四胎四隻，其中三隻(家姐阿妹，阿B，已被收養，一隻失左踪）；短短十幾個月，已經第5胎，好恐怖

今日，大肚婆腹大便便，好好胃口，曬下太陽抓下柱；今次個肚好似無上一胎咁大，應該無四隻啦啩～



但。。。佢個下體已經有血喎，可能呢兩日生得啦我估

估下佢幾歲？

佢係我姐夫個妹隻貓，估下佢幾歲？





佢已經18歲啦，好多病痛；之前要主人每隔一小時餵佢飲水（即係主人無得瞓），而家聽覺又無埋，我去摸下佢就發出不滿嘅聲音，即係鬧你，惡婆嚟架，不過鏡頭下又掩飾得好好喎，係咪好似好乖咁呢？

但係佢都有可愛一面，就係你伸個咀埋去，佢就會kiss你架啦：）

但係伯母試過隊過咀埋去比佢咬左野，哈哈哈～

好彩無咬我！

二郎神嚟啦

初三赤口

今日赤口啊！呵呵呵～

步步高升

知唔知呢條柱係乜嚟呢？


除左去超市執紙皮做抓板之外，想整棵樹達仔抓下，於是諗到喺ikea買張椰衣做嘅地毯，捲一個紙筒，再用針線縛緊喺食飯枱；睇下，佢開心到爬樹呀（遲D加D葉樹先，呵呵呵）


達仔：祝各位步步高升啦

嘆世界

達仔隻耳。。。

星期一，一早醒來，見睡房地下有幾滴血，床單又有幾滴血；睇下達仔隻耳，今次抓得好損，打比醫生，醫生話唔使帶佢過嚟，剩係需要攞藥

去到診所，姑娘（但係男人嚟嘅）解釋，佢話一定係好痕先會抓，醫生覺得係耳道入面污糟喎，再問先知我之前洗耳方法唔啱，藥水亦都滴得唔夠多喎，唯有又戴番喇叭，食同滴多三星期啦

呢張相可以見到佢結焦嘅傷口，但醫生又講得啱，有次見達仔R痕，係成隻腳伸到好入嚟R，可能真係入面痕：（


近一個星期，佢“進展到總之我坐喺度，佢就跳上大脾，瞓覺就貼住你心口，甚至成隻”擲“上嚟；除左出街，呢舊羔藥真係痴到實呀

各位：你地D貓係唔係咁架？

眼的主人

開做上一篇嘅答案。。。

答案係香港仔嘅一隻街貓架；


喺街見到佢，覺得佢好似達仔呀（但達仔而家肥左），但佢眼睛黃D，達仔就綠D


想影佢一張正面相，但根本影唔到，一踎低，佢就走埋嚟“戀”腳，埋到影唔到，想影佢塊面，結果佢比隻眼你影


只可以遙遠影先影到一張我覺得幾靚嘅相咋～


以為我出賣達仔隻眼？我無咁衰嘅，係都遲D至賣啦；正所謂，賣眼賣眼，賣到年三十晚，今年無年三十，賣唔出lu

競猜遊戲

呢隻眼嘅主人係邊個架呢？

達仔的奧嬋

轉貓砂﹣下

轉左豆腐砂後嘅24小時，隻衰野竟然。。。。唔屙

明明食左好多野，入去（貓厠）索下就出番嚟


再12小時後。。。。。都係唔屙，剩係屙尿；究竟係唔鍾意隻砂，定係條腸又有事呢？正衰仔，又要人擔心

唯有溝D幼砂落去啦，快D屙呀

隔左一小時，屙啦；唔抓砂囉


跟住果24小時，佢屙番之前嘅存貨，應該屙突左㖭；即係佢揀砂屙，當自己係王子啦而家，正衰仔～

圖為佢屙完出嚟，即刻痴住部暖爐

轉貓砂

養左達仔三個月，轉足十袋八袋貓砂，仲係搵唔到最好方案。。。

今次試呢個牌子嘅豆腐砂，之前試過另一隻，達仔完全唔抓砂，屙左喺面就走，攪到全屋臭；但試過豆腐砂加幼嘅凝聚砂，佢就屙完冚番唔臭，但厠所地下似沙灘


今次轉呢隻，會有乜結果呢？聽日開估

摸肚腩

自從達仔愛上坐大脾後，每逢我喺工作房對住電腦，佢就坐上來。。。

而近日，每當坐大脾我R佢周腩，掃佢心口同肚腩，佢就會擺出呢個”舖屎“，陀哂背咁，但個樣好冧

咦！達仔拍廣告？

驟眼睇，以為達仔同我拍廣告呀

箍頸黨

達仔遇到箍頸黨，無得走lu

烏黑亮麗

養左兩個幾月，除左肥左靚仔左外，可能天氣凍，毛髮多左好多，柔順滑左無鞋手㖭呀



如果人冬天都會多D頭髮就好啦

萬寧廣告

一晚的住客

話說樓下某條小巷本來有兩隻大貓（已絕育），約一個月前我發現多左兩母子，我唔想理，咋睇唔到；

點知咁啱有人搵我識果個貓義工，想佢捉左阿媽絕育同希望搵人養左隻B；阿姐知我住果頭問我，我唯有帶路啦～

佢跟住嘗試搭路搵人要隻B，叫我落去影相，當然係想影靚D啦

又真係咁啱，落去就見到佢地，企定定影左呢張，影到佢成個雪球咁


影得咁靚，好快就有人肯暫托，於是貓義工阿姐今晚就出動啦，喺正樓下，想唔幫手都唔得啦～
阿仔話咁快就捉到，阿媽就失手啦，捉唔到；阿姐想聽日繼續，但又想用阿仔做餌引阿媽入籠，於是佢提出。。。。。。。。。。

擺隻仔喺我屋企一晚，唉～今晚天寒地凍，總好過放喺佢個街邊士多房嘅，又要搬嚟搬去


但當聽到後巷餐廳D侍應話佢地會繼續幫貓貓換水掃屎，阿姐又心軟，唔想拆散兩母子，我就偏向贊成入得屋就入，因為已經有人暫托兼果個人人脈廣，出貓叻，我希望佢有主人錫囉～每次遇到呢個位都覺得矛盾，應該顧阿媽感受定阿仔幸福呢？

佢喺我屋企算乖，係我隊相機埋去會fea我外，其餘乖乖坐喺度


我又諗過，帶佢上嚟達仔會唔會唔開心呢，結果，達仔埋去八嘅時候，走到好埋好似想咀人咁，結果人地fea一野，佢就嚇到走人，無鬼用～

跟住達仔當佢透明，繼續食，食完坐我大脾瞓覺嘅生活～

希望雪球好福氣啦

打你手板

唔餵我吖啦，打你呀
唔換貓砂吖啦，打你呀
唔同我玩吖啦，打你呀
呃我食藥吖啦，打你呀

新一年達仔做嘅第一件事

瞓醒覺，伸野懶腰先


想便一野，點知個私家廁（係呀，我同孫局長一樣有私家廁架，不過無退伍軍人症嘅）比靚仔主人清洗完吹緊乾，入面無砂無得屙呀


事後：舒服哂～