臭呀～

犯左個大錯。。。

今朝起身，發現廁所門關左，貓廁都响入面，即係過去八小時達仔都無得入貓廁，見佢無事走埋嚟搵食，以為無事，直至。。。

突然醒起朋友送來一隻貓玩具老鼠比達仔，於是我同佢講：喂，過嚟呀，比野你玩呀～

出到廳，伸手入我袋，濕嘅，郁下個袋，好臭，揭開睇下，一條長7"嘅便便加一篤尿浸住我個袋，今朝洗袋洗地，好忙呀

我梗係要教訓下隻衰仔啦，叫佢以後唔比喺我個袋屙屎呀

佢知比人鬧，頭䇯䇯咁，唔敢嚟搵我呀

洗完隻老鼠比佢玩，佢唔玩；其實呢隻野好似無乜好奇心，波又唔玩，剩係玩抓板，慳番，唔使買玩具比你