2012年8月27日 星期一

改善生活質素2?

見達仔逐漸康復,上星期一下晝(20號),餵左兩隻蝦仔,係睇醫生後第一次,當日佢有三次大便,一次在食蝦仔後,共11.5"

但第二日全日屙得一次,得2.5";但心諗,噚日屙得咁勁,今日少D都正常啫

星期三屙左6",以為正常返

星期四朝,繼續有5",見樓下竉物店有applaws賣,各路貓痴極力推介呢隻罐頭,覺得達仔要食多D濕糧喎,買罐比達仔食啦,人地推介南瓜雞,但達仔麻麻地雞,買罐吞拿魚蝦佢嘆


比四份一罐佢,食得好開心,食後當晚屙左3.5"


星期五朝,比多四份一罐佢食,點知。。。。全日無貨出

星期六,我出左街,夜晚9:00返,繼續無野出,我又驚啦;幫佢按摩,自己走去屙引佢屙(低能都要做),結果,佢10:00pm一舖過7.5“

星期日,又無貨出

星期一朝,食完早餐,屙左5"

我諗呢,佢都係唔食得蝦仔架啦,一食,D便便就亂哂;本來想改善佢嘅生活質素,暫時你都係繼續醫生糧吧啦

12 意見:

匿名 提到...

大叔,你~真~係~拎~把~間~尺~去~度~架?

我一直都想養貓, 不過始終心大心細, 之前刨左幾本貓書, 內容大路唔實用 (嘥錢!), 唔夠大叔既blogger"翔實"......


江湖散人

naruto 提到...

江湖散人:
以前畫素描,目測好準架

養貓好好玩架,養過就領會到

Cat 提到...

我諗達仔都係唔好其他野住先啦。
但係醫生有無話要食幾耐處方糧呀?
定係以後都要食??

naruto 提到...

Cat:
佢話食完一包醫生糧打電話比佢,但未食完一包

TY 提到...

達仔都係食返醫生糧先啦... 等佢情況穩定至比佢食其他野呀! 同埋我諗你都要睇下書,自己煮既邊D岩達仔食..

chiseenjai 提到...

達仔都係妹仔肚, 如你所言, 都係食糧, 來唔來一餐罐頭好啦.... 要忍心D!!!!

而APPLAWS, 香港代理冇啦..佢地推 KAKATO...不過, 我未見過真身XD..依家我都其他品牌罐頭..一星期一次...

chiseenjai 提到...

To: 江湖散人

如果你想養貓, 要真係諗清楚, 如果準備好, 真係好多貓貓等領養!!!

我都有好5本貓書, 我可以借俾你..

如果有咩問題, 我地可以係度傾下, 又可EMAIL我!

chiseenjai@gmail.com

=)

ayclui 提到...

大叔咪攪咁多o野住, 達仔都係食返醫生糧先啦~x2

naruto 提到...

TY:
睇書?。。。眼瞓㖭

chiseenjai:
暫時乜都無架啦,等遲D再試啦

ayclui:
係,知道

匿名 提到...

To: chiseenjai

謝謝你的提醒, 所以一直只有心動而沒有行動!

我同大叔有的相似既地方, 就係一個人住, 而我想收養既係餵開果隻貓, 我怕流浪貓多病, 餵既時候唔覺架, 係返屋企先知, 朋友有類似經驗, 所以好擔心

之前睇既貓書(中英文都有), 無一本好似大叔既實戰經驗"精彩"同"到肉"!

對唔住大叔, 佔左你的空間, 不過睇你點樣照顧達仔真係學到好多野

江湖散人



naruto 提到...

江湖散人:
隨便寫啦,無所謂架

答你養貓嘅問題。。。

你餵開想養佢又驚佢有病。。。如果已經有D感情,咪帶佢去檢查先囉;我隻就養佢已經知有病,佢唔係有病都無得入屋啦,有時都講緣份嘅

chiseenjai 提到...

江湖散人:

都係一個現實既問題, 係街餵開係有感情. 不過, 如果佢有病,而又慣左天生天養, 我覺得就由佢自由自在...

入左屋, 又係另一件事, 可能到時你要用多左時間照顧佢. 真係一個DILLEMA!

如大叔所言,要講緣份。 

係度傾多D,問多D,有好多好人係度架 XD

我都養左差唔多一年啦! 我家兩位公子都好多傻野開心野!