2012年8月2日 星期四

達仔腸塞了

今早打去診所約見醫生,竟然放假了,但有另一位醫生應診,唔想達仔辛苦谷多日,照睇啦,約左三點

診所喺深水埗,早到左15分鐘,去到時午飯未開門,望下達仔,喺個袋度驚到震哂(上次都無咁驚,越嚟越細膽),兼伸哂脷,可能困喺袋真係太熱,唯有搵間有冷氣茶餐廳坐到夠鐘

見醫生,照X光,D屎塞到呢。。。。總括醫生嘅對話,問題在於唔可以亂轉糧,兼食得太多,轉天然糧本來係為佢健康,點知因為wheat太多,可能飲唔夠水,達仔條腸唔夠力推硬便出嚟,另外,達仔盆骨偏細都係屙唔出嘅原因


咁唯有通便啦,叫我兩個半鐘頭後嚟接番佢,唯有喺旺角亂行。。。

六點,返去接達仔,睇通便後嘅X光片。。。通哂


再講下耳仔,上次手術切瘤後,近月耳仔又有膿流出,清潔完隔幾日又有,問醫生,佢檢查後話耳仔又有一粒瘤生左出嚟,不過佢建議先用藥膏及日日幫佢清潔,唔好下下做手術,因為切左都可能會繼續生,唯有暫時先用藥啦

返到屋企,通完櫃後麻醉藥未過,唔認得我,喺屋企亂行,但腳又無力,行兩步就跌,好慘慘


手術醫藥連貓糧盛惠$2960,達仔,好彩我呢期多job咋,唔係點頂呀~

耳同腸都係長期鬥爭,達仔,你要乖乖比心機鬥贏佢呀~

5 意見:

l.minor 提到...

達仔加油呀~

瘋膏 提到...

通咗便, 今日應該精神晒, 達仔要生性飲多d水暢便。
naruto你都加油, 時刻睇實佢。

醫葯費成3干嘢, 好貴。
但嗰間醫院得唔得? 醫生細心嗎? 請問可否話我知邊間? 老go嗰主診醫生坐緊監...

謝謝。

chiseenjai 提到...

你係用咩水機? 流水個隻?

如果達仔都唔飲, 可以濕糧加水. 當然都可以開醫生啦..

達仔, 你要生性, 飲多D水, 唔好要你老豆用貢多錢又擔心!!!

supageti 提到...

達仔個樣好可憐 ~~

要加油啊!

naruto 提到...

l.minor:
會架啦

go:
咁耐只係睇過兩間,呢間叫“平”架啦,上次男醫生上網查好多人讚,真人係專業嘅

今次位女醫生就講得好詳盡

chiseenjai:
佢用碗咋,朋友比左個水機我, 我嫌阻定,擺埋一邊

佢肯飲水架,只係條腸病過,蠕動能力差囉

粉:
係呀,真係可憐架,仲成身屎味