2012年8月24日 星期五

改善生活質素

呢架水機,由我決定收養達仔果陣時,朋友送嘅

話活水D貓貓會鍾意飲,咁就令佢地飲多D水,健康D咁話

但我見達仔都肯去水dou飲水,兼其實我最怕“砌”電器,曾經燒過fuse,成部機燒左,電腦底板又燒過,所以我好憎買D唔係插插蘇即用嘅電器

舊年開過,砌唔掂,入返盒;送比我嘅朋友話,你唔要就幫我砌好影張相啦,我義賣左佢幫其他貓。。。影無問題,砌就。。。我一砌就發脾四啦,好複雜呀(我個standard)

終於呢次達仔又出事,諗返起呢盒擺左喺飯枱腳大半年嘅水機;call識砌機嘅朋友嚟幫手,終於攪掂

頭幾日達仔完全唔理佢


近日終於肯去飲,但我唔覺佢有飲多囉其實


11 意見:

Cat 提到...

我以為D水會係頂花度流落黎添。

我又無諗過買呢款食水機,因為家中三個小朋友都算鐘意飲水,細妹唔駛講,見水就飲。家姐就最鐘意去"星"盆度玩水同飲水。

naruto 提到...

Cat:係喺頂花流落嚟架,不過影得唔好咋

supageti 提到...

咩叫外善生活質數?

chiseenjai 提到...

達仔要飲多啲呀!

the inner space 提到...

我估是:改善生活質素!

TY 提到...

我都有個朋友送比臣臣做生日禮物既電水機... 同大叔一樣唔識砌,砌到炆..加上又大座, 又要插電, 驚危險, 所以結果無用過..

送比有需要既人士都係好事!!!唔好浪費!!

naruto 提到...

粉,inner space:
質素至啱㖭,hehe

Chiseenjai:
佢都有飲嘅

TY:
係啦,說明書唔清楚,驚架嘛

Tat 提到...

連埋上次食蝦個張相,達仔真係無乜正經相,張張都係明仔整鬼整怪的。

naruto 提到...

Tat:
咪亂噏,張張都係佢嘅生活照呀

瘋膏 提到...

我嗰隻頭2日都係唔理個水機, 仲驚咗, 之後都會飲。
其實D水有得過濾, 係好D架, 冇咁多塵,逹仔要乖, 飲多D~

naruto 提到...

瘋膏:
我覺得達仔一般,唔覺飲多左