2012年8月3日 星期五

周紳士

達仔通完櫃返嚟,雖然迷迷矇矇,但仲識入佢個廁所便便,但。。。

便便係爛嘅(醫生話呢排果D一定係軟,因為一來灌過水,二來要佢食醫生開嘅濕糧加軟便藥水,因為等佢易D屙),

但佢竟然唔識出返嚟,個身“hi"哂屎咁先出返嚟,即刻抺身,抺地抆屎,抆四次張廁紙都係污糟嘅,終於噚日用左一卷廁紙

又,夜晚瞓覺,佢又要上床瞓,唯有舖張大毛巾先啦,見佢好快瞓左,;

但半夜,佢好精神咁用脷同自己沖涼,我估計係麻醉藥效過左,佢識得清潔下身體,之後feel到佢挨過嚟瞓

今朝7:30,比佢嘈醒,聞到有臭味,開頭以為臭味來源係佢,點知一睇自己手臂,哇,有屎呀,再睇自已件tee,哇,又有屎,除都除唔切。。。

今朝,佢問攞野食,嘗試餵佢食醫生濕糧,唔肯食,到下晝我開完會返嚟,我諗住佢實肚餓會食D啦,無食過

醫生比定針筒,用嚟餵佢食,攪到打扙咁,都唔食

打比醫生,佢話一定要迫佢食,唔可以乾糧,結果,要打佢幾野先肯坐定定唔走,但只係食左兩個針筒,好攰。。。

係咪以後都要咁餵達仔?

今晚照片,精神好番,但食得好少野,聽日都唔知有無屎屙呀又

12 意見:

Cat 提到...

達仔屙屎屙到無哂力,行都行唔到,佢好辛苦,佢都唔想架!

嗚~~~嗚~~嗚~~~~~~
達仔已經好可憐,好唔舒服,唔好再打佢啦!

餵達食野,可以試吓用條大毛巾包住佢,等佢唔會走同唔會抓你。以前餵惡霸大小姐食藥,我都係用呢個方法。

達達豬好慘!!!!!

supageti 提到...

小明、達仔都要加油!

largeheadboy 提到...

達仔聽話喇~

naruto 提到...

Cat:
今早試左用大毛巾,食左三枝針筒份量,唔該哂

雖然都係唔肯mark大口,但逐少逐少攝落佢牙la

粉:
好攰呀

大頭:
簡直諗返以前屋企想迫我食魚,我情願捱餓嘅情形

TY 提到...

無辦法架啦...辛苦少少都要...至緊要達仔無事..大叔, 你捱一陣啦!!

ayclui 提到...

等達仔習慣下新糧d 味就會肯食o架啦~
其實加少少達仔食開嘅, 浸到 pat 哂嘅糧落去隻新糧度得唔得呢?

大叔: 達仔有你真係苦盡甘來.

naruto 提到...

TY:
當然會捱埋佢

ayclui:
唔敢亂試,情願佢食少D,等條腸抖下

佢就甘來囉,我呢?

chiseenjai 提到...

醫生有冇開個隻 Royal Canin Recovery Canned Food?

個隻可以加水, 再用針筒餵達仔.

佢依家要營養 & 水份.

餵佢食都係一時3刻....佢好番, 都會自己食..因餓去食野, 就係貓人狗咩咩咩動物既天性..唔好擔心貢多.

遲下裝番個水機, D 水郁郁下, 達仔有興趣飲多D (掛)..

加油!

naruto 提到...

chiseenjai:
醫生開嘅係ID糧,礶頭嚟架

水其實佢一向都飲得唔少架

the inner space 提到...

真是難為了爸爸!

maymay 提到...

你都好甘呀呢劑,仲做埋周紳士㖭~~

naruto 提到...

the inner space:
無計啦

maymay:
甘架,瞓醒見到心口滿佈C漬,嚇到叫出嚟