2013年6月21日 星期五

好玄﹣同達仔嘅第一次相遇

一路都以為,同達仔嘅緣份始於我經常去嘅一個偏僻地方,如果大家有睇開呢個blog嘅都知,果度有幾隻貓,達仔最叻搶野食,係果度嘅大阿哥。。。



但我噚日執舊相,見到呢張  

我第一次去果個“偏僻地方”係10年11月,而呢張相時間係09年9月,我啱啱搬嚟西環,睇返D相,果日係鬼節,我走左去某公園影相,影到呢隻貓。

從佢眼神,身體比例,坐姿,鼻上面個反光位同耳朵形狀,我好肯定佢係達仔,因為之後我都見過達仔喺呢度出現,佢識行山路過嚟呢度等餵貓阿姐餵食,而捉佢去絕育果個阿姐亦係喺呢度捉佢嘅。。。

但最令我介懷嘅係,佢當時未閹架,未剪耳呢,樣亦都細個D,似啱啱做成貓咁樣咋,如果係咁,可能佢係09年頭出世,而家都未夠5歲~


緣份嘅野果然好奇妙

4 意見:

chiseenjai 提到...

未剪耳点解要介懷?即係怕佢周圍播種?^_^

你同佢緣份呢家!達仔都好幸福!^_^

naruto 提到...

崩左隻耳,無咁靚仔嘛;兼果陣隻耳未有病,而家隻耳就有菌囉

匿名 提到...

以前個樣兇悍D......

江湖散人

chiseenjai 提到...

有菌長期唔清,無得根治?