2012年3月15日 星期四

冚被

無暖爐佢會勁痴我,痴到我做唔到野,解決方法係開暖爐,開左,佢自動波過檔暖爐,我有幾粒鐘做自己野

另外,達仔嘅聰明,超出我想像;有晚唔算太凍,諗住唔開暖爐,佢竟然望住我,隻手仔拍拍個暖爐,個表情好似叫我:快D開呀,死佬

噚晚,佢跳上暖爐架,可能嫌我開得細,踢走張地毯,我見張毯喺地,冚上佢身,佢竟然enjoy喎,唔撥走佢喎,佢應該同我一齊移民過泰國啦

11 意見:

supageti 提到...

以後識做啦,死佬!:P

Unknown 提到...

尋晚真係唔係好凍咋喎!-_-

chiseenjai 提到...

醒到呢....!?!

我發覺貓咪都中意俾野責住, 有安全感掛?

我家栗子就係啦. 就貢抱佢, 佢唔會望我, 想走. 反而搵條毛巾責住, 佢起碼都STAY耐D....!

Cat 提到...

遲D可能識自己開添呀!

naruto 提到...

阿粉:
電費貴呀,暖多兩度我就唔開架啦

Quincy Luk:
我代達仔答:大家對凍嘅標準唔同

chiseenjai:
佢地喺邊度領養番嚟架?細個喺咩野環境?

cat:
哇!帶佢表演賺錢啦

chiseenjai 提到...

Naruto:

我係義工 Lisa Olausen度領養, 而佢地係街市/附近PICK UP. 所以原本個命係芝士丸/貢丸 , 貢岩佢地打緊邊爐! XD

而栗子, 個時我領養佢地有CAT FLU, 如果我唔帶佢地走, 可能有排病, 因義工屋企有20隻貓, 當中有10隻都係病. 所以米那那林帶佢地走.

而兩位去到我屋企, 都要食成個月藥, 而栗子又鼻塞, 所以要聞薄荷, 我幫佢拍痰, 拍左7日, 之後佢唔食藥, 我又打過佢, 所以好多野加加埋埋, 佢米冇咩安全感LOR. 怕我!

依家好好多. 起碼佢都認得我, 不過都要有2尺距離. 所以, 我都驚佢出廳生活, 驚佢周圍呢埋, 不過又唔擔心得貢多, 因佢地點都要周圍走! 點都要慣!

TY 提到...

達仔醒過大叔!!! XD

泰國..呢個地方幾好,我都有諗過老左去呢樹....

naruto 提到...

naruto:
咁要慢慢嚟,希望佢快D冧你啦

TY:
勝在長年30度以上呀

TY 提到...

係喎.. 老左應該再怕凍D... 同埋泰國既醫療都做得唔錯..

邪留丸~ 提到...

之後寫blog係唔係會用“泰文架?
唔識睇喎。。。

瘋膏 提到...

達仔好醒, 除咗識表達要求外, 最叻仔係埋街飲井水, 揾到處好人家。