2012年5月2日 星期三

抗議

近兩星期,工作超忙,大部份時間如果喺屋企,就係對住部腦做野

達仔係要每隔一個鐘就要抱陪佢玩果隻,佢會走到你腳邊係咁喵你,即係一係要抱,一係要食咁解;唔啋佢?佢嘅最新反應係。。。


跳上工作枱,“擲”住keyboard同mouse。


之後每逢做野唔啋佢,佢都出呢招,真係識架喎,正死仔嚟架喎,咁鬼醒嘅喎

10 意見:

Cat 提到...

我個留言呢?

Cat 提到...

又唔見左。
達仔話:個mom有乜好望,望我仲好啦!個keybord有乜好摸,摸我仲好啦!

l.minor 提到...

佢真係好黏你喎

其實你帶佢返屋企時,佢幾大呀?

TY 提到...

我懷疑一係達仔係狗, 一係我屋企隻臣係貓!!
阿臣又係成日咁架,阻止爸爸打字!! 哈哈~~

naruto 提到...

Cat:
email收到你留言架喎,唔知攪乜

佢好精靈,仲有D衰野我排緊隊寫

l.minor:
其實唔知,醫生估佢四五歲(當時)

捉佢去閹嘅阿姐都係嘩估,佢話第一次見佢佢仲係發育期,計起嚟約四五歲喎

TY:都唔知點解會識咁做架

largeheadboy 提到...

仲喺度擔天望地好得戚咁喎

l.minor 提到...

達仔真係利害,咁大過都可以由街貓變番家貓,佢會唔會重有d街貓嘅野性呢?

最近去咗一個地方,好多貓,但大部份都有d怕人,見到人唔會走,不過行得太近就會閃開,但特別在其中一隻係唔會,而且好黏人,所以咁問下

地點我啱啱email咗俾你,有時間去睇下

Unknown 提到...

抱住佢做o野啦~~

chiseenjai 提到...

真係發生啦!達仔越來越嗲wor!

達仔,乖啦!爸爸要搵錢架!如果唔係,邊有海境你望呀?

匿名 提到...

越來越癡身~
呵呵呵~~呵~~

邪留丸~