24小時貼身膏藥（下）

達仔鍾意人摸，攬，但係佢唔鍾意抱架喎；有時想抱佢上大脾，佢會即刻跳走

早幾日，多野做，十一點仲寫緊blog，佢企喺度等玩，喵到暈。。。

試下抱上大脾陪下佢，一放佢想跳，我捉住佢係咁掃佢背，佢終於肯坐低，仲一坐愛上。。。

第二朝，我對住電腦做野嘅時候，佢竟然抓我小腿，作勢要上嚟；抱起佢坐低，佢唔跳啦而家，仲好得戚㖭；一坐一粒鐘，達仔，你好重呀


雖然無換褲，呢張第二日架啦，佢衰到企喺我隔離，我話：想上嚟呀？“，佢就擰轉背等我抱啦，上到嚟坐坐下。。。放屁，妖～
跟住瞓埋


又一日啦，呢條睡褲嚟，好薄架咋，隻野間中怕跌就伸爪，想死呀你～
而家日頭做野佢又要瞓大脾，瞓覺又要寃住哂，真係一塊貼身膏藥呀