2011年12月4日 星期日

怒打達貴人

上星期,幫達仔除左個大喇叭之後,佢變得非常活躍,走嚟走去,跳上又跳落。。。

夜晚仲喺我房個衣櫃隔離D櫃"gap"度玩跳高。。。

瞓上床摸下佢,佢又咬我。。。

第二晚,想幫佢剪指甲但佢醒到走左去,跟住幫佢按摩之際,佢一野抓埋嚟,攪到我見血,你未死過呀))))))

即刻攞起枝本來係玩具嘅膠貓棒當滕條一野打佢個pat,佢走去房床尾,再打,佢走番出廳,打,現走去厨所,佢fea我,未死過,大力D,再打;

終於,達貴人走左去"景祺閣",即係冷宮,亦即係佢個貓廁,靜思己過,佢成個鐘唔敢出嚟;我走去睇下,原來佢坐住D黃金呀~

果晚,佢被罰無野食,無得入房上床瞓,睇你知唔知驚

貓真係唔蹤得架,而家,佢咪乖乖地囉,比你任摸,比你滴耳藥水,每次滴完或者佢乖我都會比佢鍾意果隻貓餅乾佢食;我唔會比佢做港童架~

達仔喺冷宮出番嚟,嗚我比野佢食而我唔比嘅表情

20 意見:

Cat 提到...

嗚~~~嗚~~~~~貴人達變左做妹仔達呀......
達仔:寄人離下....唉.....醒目D呀!

Cat 提到...

大叔:達仔需要愛呀!比D愛心啦!

naruto 提到...

Catherine:
有比愛心架啦,佢應該知囉

匿名 提到...

百厭仔~

XD


邪留丸~

supageti 提到...
作者已經移除這則留言。
supageti 提到...

哎呀 ~~ 達仔巧可憐呀 ~~~

naruto 提到...

邪小姐:
今日又變番乖仔啦

阿粉:
唔教唔得架

ayclui 提到...

坐住D黃金 --> 達仔發脾氣/ 唔開心呀~我以前隻貓"中"佢之後就係咁o架啦~
賞罰分明都好嘅...不過達仔個 look真係好可憐...: (

naruto 提到...

ayclui:
我朋友話下次佢曵先用手打佢鼻一下,跟住講聲“no",佢就會識喎,因為貓媽媽係咁教訓貓B嘅;滕條留番大錯先用喎

TY 提到...

達仔, 乖D啦!!!天寒地凍無得係床瞓好慘架!!!

大叔, 你下次唔好用滕條啦~~ 真係好痛架!!

naruto 提到...

TY:
下次打鼻仔先;用滕條打完真係乖左架,有效架

30 Something 提到...

原來貓係咁易train...或者阿達仔真係好有悟性

naruto 提到...

30 Something:
佢真係好聰明,但就係驚佢太聰明,當左自己係主人,所以一定要打一次

瘋膏 提到...

嘩, 好凶狠! 唔敢睇~
(掩面, 逃)
話時話, 我星期五晚半夜都俾臭go抓損我手流血, 我尖叫時, 佢都大叫。

naruto 提到...

go:
咁你由得佢呀?有無打或者鬧佢?

phyllis 提到...

嚴父啊...達仔以前free慣, 要慢慢教, 不要太重手

naruto 提到...

phyllis:
佢癲左兩日,而家正常番;會慢慢教架啦

ps:仲係一個俊朗嘅嚴父啊,呵呵

chiseenjai 提到...

我都BUY 要罰, 依家教唔好, 佢就似寵生嬌, 好似我朋友D 女女. 食又多, 又唔肯CUT NAIL...米成手損晒!

meow 提到...

贊成體罰,變左港貓就弊,不過要就住呀!

瘋膏 提到...

嘿, 我嗰刻喺張床度, 尖叫聲嘈醒母親, 佢起身鬧go囉, 但go扮嘢當冇事發生, 我處理完傷口就瞓過。
第二朝我瞓醒先報復, 佢日頭瞓得好爽時, 我連環細力快打佢屁股大脾位, 令佢醒咗仲要起埋身, 然後我就走人。