沮喪呀～

今日唔係講達仔。。。

早兩星期自信過大，捉貓媽去絕育，諗住自己攪得掂，借左籠自己嚟捉，結果捉唔到兼比貓媽抓左一野，好毒，會腫架

今日，約左義工阿姐一齊去，點知都係攪唔掂，精過鬼，最後都要試徙手捉，戴哂手套啦今次，點知都比佢抓到手腕（手套包唔到嘅地方），又失敗；阿姐好少失手紀錄，真係陀衰家。。。

下星期再試。。。

阿姐見捉唔到，轉移陣地，嚟左我樓下公園，之前比佢發現左兩隻未絕育嘅貓，我間中有去餵下；第一隻好快就捉到，第二隻入籠嘅係一隻已經剪左耳嘅，放番佢出嚟，跟住見到幾隻貓影喺籠口打探，最終捉唔到。。。

睇下捉到果隻，麻色嘅，頸有花紋，白襪仔，阿姐話似女喎；佢過籠時好驚亂撞，撞損個鼻。。。








條片黑mugmug，主要係想聽佢鬧我呀