第一次養貓，同達仔“同居”左8個月，發現佢習性有D轉變
今日先講睡眠時間。。。
以前聽朋友講，貓係日頭瞓覺，夜晚活動嘅動物
又聽朋友講，佢隻貓鍾意半夜就嚟敲門，行出又行入，攪到佢無得瞓
達仔啱啱嚟果陣我大概12:00關燈瞓覺，佢就夜晚1:00am最活躍，果陣我關門瞓，聽到佢喺廳亂走亂撞玩捉老鼠
而家我精呀，11:00am就熄哂廳燈，佢就提早玩捉考鼠
我12:00瞓，佢就跟我12:00瞓，瞓床隔離個床頭櫃面，要瞓喺我隔離
朝早呢，就大概7：00-9:00起身；（係呀，佢真係好浮動架，試過我9:45am起身，佢仲依然瞓到豬咁）
佢真係瞓足架喎，半夜見佢瞓到好熟架喎，成晚無郁過，都係瞓同一個位
佢瞓覺時間同我一樣，無攪攪震，我覺得佢呢樣野好乖仔
當然，佢日頭都會瞓下，但就無瞓咁耐囉
ps:有養貓嘅，你地D貓幾時瞓架？瞓幾耐架？
.JPG)
9 意見:
PS:有貓冇樣架咩?
老go老咗, 一日瞓足20個鐘~
日頭瞓, 夜晚又瞓, 零晨3-5點可能會突然hyper要人摸, 咁就會不停叫。
早幾年後生D, 佢就看夜更, 我哋瞓覺, 佢巡邏, 但都有時會失控亂叫。
過咗一段時間後, 見我哋個個瞓, 佢都瞓吓養神。
達仔好乖, 醒目, 識跟你時間表, 咁就對兩方面都好。
大小姐唔駛問一日瞓到黑，就算唔瞓都係伏係我度或者隔離。
孖女就以前瞓三四個鐘就會醒，玩一陣半個鐘左右啦，又瞓三四個鐘左右。
而家就我瞓佢地又瞓，因為佢地瞓我旁邊，知我醒左，就會叫我同佢地玩。除左初初果一兩日，無聽到佢地半夜叫過。
我屋企隻隻貓女7個月大,我由佢4個星期大養到而家,佢一直都跟我時間訓(11PM - 7/8AM,但佢係訓廳,因為我唔比佢入房),日頭我返工佢就下晝訓2,3個鐘晏覺.間唔中我食飯時佢望望下我又訓著,不過果段時間就好易醒.貓真係好訓得ga.
原來家貓係會跟人轉變時間訓覺,真好呀~
!? ：
唔明
瘋膏：
我覺得佢真係識就番我時間架
Cat：
都係乖貓呀
匿名：
自細養，適應更易啦我估
l.minor:
我覺得係咋，所以想問多D人囉
我家公子仲細, 都係10個月大, 精力旺盛!
唔係訓好多. 好多時都係恰下醒下.
瞓到最"林" 係晚上7-9, 之後就起身啦. 一路玩, 玩到第2朝.
我就唔理佢地, 12:00我關門瞓覺. 有好幾次都係早上8-9就喵下, 唔大聲, 我冇反應, 佢地都冇喵LU...
遲下佢地都會瞓多D掛?
11:00am就熄哂廳燈？
chiseenjai:
都係乖啦，無攪到你無得瞓
粉：
係喎，上晝梗係熄燈啦，無錯喎，呵呵～
張貼留言