唉！講下貓媽

今日內有不雅相。。。

呢隻貓媽，睇樣就佢最蠢；但其他貓捉去閹捉去搵人收養都係一take過，唯獨佢。。。四次都失敗

一月中時，西區＋葵涌兩大捉貓阿姐聯手，決心捉佢去絕育，因為佢又大肚啦，唔閹又屙幾件出嚟啦，諗住情願幫佢終止懷孕。。。

結果失敗：（

我當時同佢講呀：你唔比我捉，又生，我無本事幫你，同你搵人養佢地架？


自從2010十月第一次見貓媽，佢身旁有一隻B（阿BU，已被收養)；到第二胎阿B（失左踪，呢個係另一個故事，遲D跟進），第三胎生完後唔見左，第四胎四隻，其中三隻(家姐阿妹，阿B，已被收養，一隻失左踪）；短短十幾個月，已經第5胎，好恐怖

今日，大肚婆腹大便便，好好胃口，曬下太陽抓下柱；今次個肚好似無上一胎咁大，應該無四隻啦啩～



但。。。佢個下體已經有血喎，可能呢兩日生得啦我估